ՎՍՀ-ում ՀՀ դեսպան Վահրամ Կաժոյանի հանդիպումը Թեյ Նին նահանգի ժողովրդական խորհրդի նախագահ Նգույեն Թան Թամի հետ։

27 հունիսի, 2023

Ս․թ․ հունիսի 27-ին ՎՍՀ-ում ՀՀ դեսպան Վահրամ Կաժոյանը Թեյ Նին նահանգ կատարած աշխատանքային այցի շրջանակներում հանդիպեց Վիետնամի կոմունիստական կուսակցության կենտրոնական կոմիտեի անդամ, Թեյ Նին նահանգի կուսակցության կոմիտեի քարտուղար և ժողովրդական խորհրդի նախագահ պարոն Նգույեն Թան Թամի հետ։

Հանդիպման ժամանակ կողմերը քննարկեցին Հայաստանի և Վիետնամի միջև երկուստեք հետաքրքրություն ներկայացնող՝ մասնավորապես առևտրատնտեսական, զբոսաշրջային ոլորտներում, նահանգների և քաղաքների միջև համագործակցության հետագա զարգացումն ու խորացումը, երկու երկրների միջև ուղիղ հաղորդակցության հաստատումն, իրավապայմանագրային դաշտի ընդլայնումը և այլ հարցեր։

Դեսպան Կաժոյանը կարևորեց Հայաստանի և Վիետնամի միջև ուղիղ հաղորդակցության հաստատումը, ինչը կնպաստի երկու երկրների միջև առևտրատնտեսական, զբոսաշջության և այլ ոլորտներում համագործակցության հետագա զարգացմանն ու խորացմանը։

Թեյ Նին նահանգի կուսակցության կոմիտեի քարտուղար և ժողովրդական խորհրդի նախագահ պարոն Նգույեն Թան Թամը ներկայացրեց Թեյ Նին նահանգի առավել զարգացած ոլորտները՝ ընդգծելով, որ Հայաստանի և Վիետնամի միջև ուղիղ հաղորդակցության հաստատումը կնպաստի առևտրատնտեսական, զբոսաշրջության և մշակութային ոլորտներում համագործակցության խորացմանն ու երկու երկրների ձեռնարկությունների և անհատ ձեռներեցների փոխադարձ այցերի կազմակերպմանը։

Հանդիպմանը մասնակցում էին Հայաստանի դեսպանի օգնական տիկին Նգույեն Թան Թամը և Վիետնամի Ազգային Ժողովի արտաքին հարաբերությունների հանձնաժողովի նախագահի տեղակալ պարոն Նգույեն Ման Թիենը, կուսակցության նահանգային կոմիտեի մշտական կոմիտեի անդամ, Թեյ Նին նահանգային ժողովրդական կոմիտեի մշտական փոխնախագահ պարոն Վո Դուք Չոնգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր